Франкфуртнинг “Айнтрахт” клуби ҳимоячиси Эван Ндика Италиянинг топ-клубларидан бирига ўтиши мумкин, деб ёзади инсайдер Фабрицио Романо ўзининг ижтимоий тармоғида.
Журналистнинг сўзларига кўра, 22 ёшли франциялик футболчи миланликлар қизиқиш доирасида бўлиб турибди. "Россонерилар" раҳбарияти Ндикани Жафет Тангангага муқобил вариант сифатида кўриб чиқмоқда.
Ндиканинг трансфер нархи 32 миллион еврога баҳоланмоқда. Ўтган мавсумда ҳимоячи франкфуртликлар сафида 43 та ўйинда иштирок этиб, тўртта гол урди ва тўртта голли узатмага муаллифлик қилган.
