Журналист Николо Скира хабарига кўра, "Рома" тез орада ҳужумчи Пауло Дибала билан шартнома имзолаганини эълон қилади.

Манбага кўра, яқин соатларда бу ҳақда расмий хабар берилиши кутилмоқда. 28 ёшли аргентиналик футболчи римликлар билан 2025-йилнинг июнь ойи охиригача шартнома имзолайди ва уни яна бир йилга узайтириш мумкин бўлади. Футболчи йилига 4,5 миллион евро маош олади ва яна 1,5 миллион евро бонуслар ишлаб олиши мумкин бўлади.

Шартномада 20 миллион евро миқдоридаги товон пули кўзда тутилган. Форвард 21 рақам остидаги жамоада ўйнайди.

Дибала 1 июлдан буён эркин агент мақомига эга. Аргентиналикнинг собиқ клуби "Ювентус" ҳужумчи билан шартномани узайтирмаган. Ўтган мавсумда футболчи барча турнирларда 39 та ўйинда майдонга тушиб, 15 та гол урди ва 6 та голли узатмани амалга оширди.