АҚШдаги мавсумолди йиғинида "Барселона" билан ўйин арафасида "Реал"нинг машғулотида нохуш эпизод юз берди. Жамоа ҳимоячиси Антонио Рюдигер ҳужумчи Эден Азарнинг тўпиғига тепиб юборди. Бельгиялик ҳужумчи бақириб юборди ва оғриқдан майсазорга йиқилди. У машғулотларга қайтишга муваффақ бўлди, аммо уни тугатмади. Бу ҳақда Marca хабар бермоқда.

31 ёшли Азар 2019 йилда "Челси"дан Мадридга ўтган эди. Ўшандан бери Эден бор-йўғи 66та ўйинда майдонга тушди (6та гол, 10та голли узатма), жароҳати туфайли яна кўп ўйинларни ўтказиб юборди.

29 ёшли Рюдигер 2022 йилнинг ёзида "Реал"га эркин агент сифатида қўшилган эди. Антонионинг сўнгги клуби худди Эден каби Лондоннинг "Челси"си эди.