Бугун «Олимпик» жамоаси иккинчи даврага тайёргарлик кўриш учун Олмалиқда АГМК клубига қарши майдонга тушди.

Тимур Кападзе бошчилигидаги жамоа илк дақиқалардан ҳужум қилишга ҳаракат қилди ва баҳснинг 10-дақиқасида Фаррух Мухторов узатмасидан сўнг Беҳзод Шамсиев ҳисобни очди. Биринчи бўлим 1:0 ҳисобида тошкентликлар фойдасига якунланди.

Иккинчи бўлимда ҳар икки жамоа вакиллари ҳужумлар ташкил этишди. 72 дақиқада Хуршид Ғиёсов пенальтидан унумли фойдаланди ва ҳисобни тенглаштирди. Учрашув якунланишига 5 дақиқа қолганида «Олимпик» вакиллари ажойиб ҳужум ташкил қилишди. Муҳаммадали Ғиёсов қанотдан кириб бориб, ажойиб узатмани амалга оширди ва Нодир Абдухолиқов ҳисобни ўзгартирди. Шу тариқа, учрашувда олимпиячилар ғалаба қозонишди.

АГМК - ОЛИМПИК - 1:2
Голлар: 72- Хуршид Ғиёсов - 10 - Беҳзод Шамсиев (Фаррух Мухторов), 85 - Нодир Абдухолиқов (Муҳаммадали Ғиёсов)
АГМК: Эргашев, Гадоев, Исмоилов, Раҳмонов, Қосимов Комилов, Абдуллаев, Сиа, Турсунов, Ғиёсов, Боаке
Олимпик: Юлдашев, Шамсиев, Ҳамралиев, Турсунов, Мирсаидов, Иброҳимов, Мухторов, Бўриев, Мамасиддиқов, Жўрақўзиев, Жиянов
Захирадан майдонга тушганлар: Абдунабиев, Холдоров, Таиров, Ҳамиджонов, Маҳмудов, Раҳматуллаев, Турдалиев, Абдухолиқов, Сатторов, Ғиёсов, Одилов, Жўраев.