Журналист Николо Скиранинг хабар беришича, "Бавария" ҳужумчи Жошуа Зиркзеени сотишга тайёр.
Манбага кўра, 21 ёшли нидерландиялик мюнхенликлар бош мураббийи Юлиан Нагельсманнинг режаларига киритилмаган.
Аввалроқ футболчига "Болонья' "Аякс", ПСВ ва бир қатор Премьер-лига клублари қизиқиш билдираётгани ҳақида хабар берилганди.
Ўтган мавсумда Зиркзее "Андерлехт"да ижара асосида ўйнади. Ҳужумчи жамоа сафида барча мусобақаларда 47 та учрашувда 18 та гол урди ва 13 та голли узатмани амалга оширди. Transfermarkt.com портали футболчининг нархини 11 миллион еврога баҳоламоқда.