"Барселона" Мемфис Депайни "Севилья" ҳимоячиси Жюль Кунде билан шартномага қўшмайди, дея хабар беради журналист Фабрицио Романо.
Олдинроқ каталонияликлар 28 ёшли голландиялик футболчидан шу ёзда қутулишни режалаштираётгани ва уни Кунде билан келишувга қўшишга қарши эмаслиги, бунга Лондоннинг "Челси"си ҳам даъвогарлик қилаётгани хабар қилинганди.
Депайнинг нархи 35 миллион еврога баҳоланган бўлса, 23 ёшли франциялик футболчининг нархи 60 млнга тенг.
Голландиялик футболчи ўтган мавсум “Барселона” сафида 37 та ўйинда майдонга тушиб, 13 та гол урди ва 2 та голга ассистентлик қилди.