"ПСЖ" ярим ҳимоячиси Жоржинио Вейналдум "Эвертон" таклифини рад этди. Футболчи "Рома"га ўтишга яқин турибди.
Вейналдум "ПСЖ" мураббийлар штабининг янги мавсумдаги режаларига киритилмаган ва ҳозир янги клуб излаш билан банд. "Эвертон" футболчига мурожаат қилди, бироқ Вейналдум таклифни рад этди, деб хабар беради Calciomercato.
Нашрнинг ёзишича, нидерландиялик футболчи “Эвертон”нинг янги мавсумдаги истиқболига шубҳа билан қараган. Премьер-лиганинг олдинги мавсумида “Эвертон” Англиянинг юқори лигасидаги ўрнини сақлаб қолиш учун кураш олиб борди.
Ўтган мавсумда футболчи Лига 1да 31 та ўйинда майдонга тушиб, 1 та гол урди ва 3 та голли узатмани амалга оширди.
