«Барселона» ёзги трансфер пайтида шартнома имзолаган янги ўйинчиларни рўйхатдан ўтказиш учун баъзи ўйинчиларни сотиши керак.

"Marca" тарқатган хабарга кўра, янги ўйинчилар ҳисобига "кўк-анорранглилар"нинг маошлар билан боғлиқ харажатлари меъёрдан ошиб кетган. Бу вазиятда жамоа ярим ҳимоячи Френки де Йонг ва ҳужумчи Мемфис Депай билан хайрлашиши керак бўлади. «Барса» июль ойи охирига қадар ушбу футболчиларни сотиб юборишни режалаштирмоқда.

Эслатиб ўтамиз, «Барселона» ёзда Андреас Кристенсен ва Франк Кессиэ билан эркин агент сифатида шартнома имзолаган бўлса, Рафинья ва Роберт Левандовскини харид қилди. Бундан ташқари, клуб Сержи Роберто ва Усмон Дембеле билан имзолаган янги шартномаларни рўйхатдан ўтказиши лозим. Шунингдек, "Барса" Жюль Кундени ҳам рўйхатдан ўтказиш масаласини ҳал этиши зарур.