Германия терма жамоасининг ҳужумчиси Марио Гомес ўз ўйини ва Голландияга қарши кечадиган ўйин тўғрисида фикр билдирди.
"Мен ўз ўйинимни ўзгартиришимга зарурат йўқ деб ҳисоблайман. Мен охирги 5 ёки 6 йил ичида немис футболида энг омадли ҳужумчи бўлиб турибман, Чемпионлар лигасида Мессидан кейин ҳаммадан кўп гол урган ўйинчи бўлиб турибман. Шундай экан, нега ўз ўйинимни ўзгартиришим керак?"
Португалларга урган голим ҳалқаро фаолиятимдаги энг муҳим гол бўлдими? Ҳа, бу жуда муҳим гол бўлди. Евро-2008 ва ЖЧ-2010 мен учун унча омадли келмади. Мен ўз мураббийим ишончини оқлаганимда хурсандман.
Голландияга қарши ўйин? Бизнинг ва рақиб ишқибозларининг сони тенг бўлса керак. Қиз ўртоғим Евро-2012да ёнимда эканлигидан мамнунманми? У Португалия билан ўйинда шу ерда эди, кейин Германияга қайтиб кетди - душанба куни ишга чиқиши лозим эди. Балки, гуруҳдаги учинчи ўйинимизга келар, агар гуруҳдан чиқсак чорак финал ўйинимизга келар..." - дея унинг сўзларини келтиради Газета.Ru.