АПЛ дебютанти "Фулхэм" Германиянинг "Вольфсбург" клуби ҳимоячиси Кевин Мбабу билан шартнома имзолади. Швейцариялик футболчи Марко Силва жамоаси билан 2027 йилгача шартнома имзолади.
"Фулхэм" Мбабу трансфери бўйича жуда узоқ вақтдан бери "Вольфсбург" билан музокара олиб борди ва фақат бугун келишув расман эълон қилинди. Ўтган мавсумда футболчи Германия Бундеслигасида 24 та ўйин ўтказди.
Мбабу "Фулхэм"нинг ушбу трансфер ойнасида тўртинчи хариди бўлди. Аввалроқ жамоа Лиссабоннинг “Спортинг” клубидан Жоау Палинья, “Шахтёр”дан Манор Саломон ва “Манчестер Юнайтед”дан Андреас Перейраларни ўз сафига қўшиб олганди.
