"Торино" бош мураббийи Иван Юрич Австриядаги мавсумолди йиғинида клуб директори Давиде Ваньянти билан муштлашишига сал қолди.
Можаро видеоси жамоа жойлашган меҳмонхона балконидан ёзиб олинган. Суҳбат давомида Юрич фаол равишда қўлларини силкита бошлади ва Ванятини итариб юборди. Яна бир турткидан кейин у чидай олмади ва хорватиялик мутахассисга ҳужум қилди. Можарога клуб ходими аралашиб, Юрич ва Ваньянтини ажратди.
Football Italia хабарига кўра, можарога Туринликлар раҳбарияти мавсум оралиғида клубни тарк этган ҳужумчи Андреа Белотти ва ҳимоячи Глейсон Бремернинг ўрнига ҳалигача ўринбосар топмагани сабаб бўлган.
Кейинчалик Ваньянти воқеага изоҳ берди.
“Кўриб турганингиздек, муҳокама бўлди. Бу, албатта, томоша қилиш унчалик ёқимли эмас. Бироқ, ҳеч бўлмаганда, икки киши ишларни тўғри йўлга қўйишдан ташвишланаётганини кўришингиз мумкин.
Мураббий, албатта, ўйинчиларни жамоага қўшилишини хоҳлайди. Биз бу қийин трансфер бозорида у хоҳлаган нарсани қилишга ҳаракат қиляпмиз.
Биз ҳақиқатни кўз билан айтадиган иккита ҳақиқий ва ҳалол одаммиз ”, - деди "Торино" директори Sky Sports Italia'га берган интервьюсида.
