BTP нашри хабарига кўра, "Манчестер Юнайтед" "Аякс" ҳужумчиси Энтонининг хизматига қизиқиш билдирмаяпти. "Қизил иблислар" раҳбарияти нидерландияликлар сўралаётган юқори товон пули туфайли бразилиялик ҳужумчи билан шартнома имзолашга уринмайдилар.
Аввалроқ, амстердамликлар Энтонининг нархини 80 миллион евродан 100 миллион еврога кўтаргани ҳақида хабар қилинганди. "Манкунианликлар" бу футболчи учун бундай катта пул тўлашга тайёр эмаслар.
Transfermarkt портали Энтонининг нархини 35 миллионга баҳолаган. Унинг шартномаси 2025 йилгача мўлжалланган.
2021/2022 йилги мавсумда ҳужумчи 32 ўйин ўтказиб, 12 гол урган ва 10 голга ассистентлик қилган.
