"Ливерпуль" бош мураббийи Юрген Клопп Жота Англия Суперкубоги доирасидаги "Манчестер Сити"га қарши ўйин учун қайдномага киритилмаслигини маълум қилди. Учрашув 30 июлга белгиланган.
"Алисон ва Диого ўйнамайди. Алисон бугун олдинги кунга қараганда кўпроқ машғулот ўтказди, шунинг учун у "Фулхэм"га қарши ўйнай олади", - дея мутахассиснинг сўзларини келтиради The Athletic.
"Қизиллар"нинг бразилиялик посбони сўнгги учрашувни 12 июль куни ўтказди. У ошқозонидаги муаммолар туфайли кейинги ўйинларни ўтказиб юборди. Жота эса тиззасидан олган жароҳати қайталаниши туфайли ноқулайликни бошдан кечирди.