"Барселона" президенти Жоан Лапорта клубнинг жорий мавсумдаги трансфер бозоридаги муваффақияти ҳақида фикр билдирди. Журналистлар "Барселона" қандай қилиб рақобатчилардан камроқ таклиф қилган ҳолда клублар ва футболчиларнинг розилигини олишга муваффақ бўлганига ҳайрон бўлишди.
"Севилья" Кундени яхшироқ таклиф қилган клубга сотмоқчи эди, аммо футболчи "Барселона"га ўтишга қарор қилди. Бундан ташқари, у ўз маошини бизнинг имкониятларимизга мослаштирди. Агар бу бизнинг рақибларимизда хавотир уйғотаётган бўлса, демак биз тўғри йўлдамиз", - деди Каталония клуби президенти Нью-Йоркда журналистлар билан учрашувда.
"Барселона" яқинда "Севилья" клубидан Жюль Кундени сотиб олганини эълон қилди. Бу Каталония клуби жорий мавсум оралиғида "Челси"ни трансфер бозорида икки марта ортда қолдирган хариди бўлди. Олдинроқ Рафинья Каталонияга кўчиб ўтган эди.
