Мадриднинг “Атлетико” клуби ярим ҳимоячиси Янник Карраскога “Манчестер Юнайтед” қизиқиш билдирмоқда.
"Манчестер Юнайтед" бош мураббийи Эрик тен Хаг ҳужум қанотида жамоа ўйинини яхшилай оладиган футболчи излашда давом этмоқда. "Аякс" Антонининг трансфери учун тахминан 100 миллион евро талаб қилганидан сўнг, инглизлар бошқа вариантларни кўриб чиқишга киришдилар.
Fichajes нашри хабарига кўра, улардан бири бельгиялик ярим ҳимоячи Карраско. Футболчининг шартномасида товон пули 60 миллион еврони ташкил этади.
Ўтган мавсумда футболчи Испания чемпионатида 34 та ўйинда майдонга тушиб, 6 та гол урди ва 6 та голли узатмани амалга оширди.
