Португалия терма жамоаси ҳужумчиси Криштиану Роналду Евро-2012 гуруҳ босқичи иккинчи турида Дания устидан қозонилган ғалабадан (3:2) сўнг Голландия термаси илан ўйинда голлар сериясини бошламоқчи эканини айтди, дея хабар беради УЕФА расмий сайти.
- Кайфиятим аъло. Жамоам ютди, нега мен хафа бўлишим керак? Бу ғалаба бизга руҳий далда бўлади.
- Нега хафа бўлмайсиз экан, ахир кўп вазиятларни кўкка совурдингиз.
- Биринчидан, бу билан мусобақа тугаб қолгани йўқ. Олдинда Голландия билан ўйин турибди, шу ўйинда гол урмоқчиман. Агар менга ҳозир "Сен, Роналду, биронта ҳам гол ура олмайсан, аммо жамоанг финалда ўйнайди" деб ёзилган шартнома таклиф қилинса, ўйлаб ўтирмай имзолаб юборар эдим.
- "Олтин тўп"ни сиз ёки Месси олиши сизнинг ўйинингиз ва Португалия термасинининг натижасига боғлиқ бўлса рози бўлармидинги?
- Тушунмадим, нега ҳозир "Олтин тўп" ва Месси ҳақида гапириляпти? Шундай экан, эшитинг: Месси ўтган йили Копа Американи ютмади. Ўз уйидаги Копа Американи! Аргентина эса медальсиз қолган эди. Аммо Мессига барибир "Олтин тўп"ни беришди. Шундай экан нима ҳақида гаплашяпмиз?
