Европа футбол ассоциациялари иттифоқи (УЕФА) Францияда бўлиб ўтадиган Евро-2016 саралаш учрашувларида Роcсия терма жамоасидан 6 очкони шартли равишда олиб ташлаш ҳақида қарор қабул қилди, дея хабар беради УЕФА расмий сайти.
Жазо Евро-2012 турнири охирига қадар рус мухлислари томонидан яна ноқонуний хатти-ҳаракатлар кузатиладиган бўлса кучга киради. Бундан ташқари, Россия футбол иттифоқи 120 минг евро жаримага тортилди.
Айни пайтда УЕФА РФИга айнан қандай эътироз билдиргани аниқлаштирилмоқда. Бироқ, аввалроқ эълон қилинган маълумотларга кўра, Европа футбол мулозимлари Россия – Чехия (4:1) ўйини пайтидаги рус мухлисларининг "кричалка"лари, Польша билан бўлиб ўтган ўйин (1:1) да рус мухлислари томонидан ёйилган баннер, шунингдек, Варшава кўчаларида ушбу ўйиндан бир неча соат аввал бошланган кўча тартибсизликларига эътибор қаратишган.
Қайд этиб ўтиш лозимки, мухлислар ёйган рус достонларидаги шамшир ушлаб турган баҳодир сурати туширилган баннер УЕФА билан мувофиқлаштирилган эди.
