"Барселона" бош мураббийи Хави Жюль Кунденинг Каталония клубига ўтиши ҳақида фикр билдирди. 23 ёшли франциялик футболчи Каталония клуби билан 5 йиллик шартнома имзолади.
“Кунденинг келганидан жуда хурсандман. У бизга тўпни назорат қилишда ёрдам беради. У тезкор, тажовузкор ва қарши ҳужумда ёрдам беради. Шунингдек, Кунде Араужо каби қанот ҳимояда ўйнай олади. Рақобат кучайиб бормоқда ва бу жуда зўр", - дея Хавидан иқтибос келтиради клуб матбуот хизмати.
Кунде ўтган мавсумда “Севилья” сафида 44 та ўйинда майдонга тушиб, 3 та гол урди ва 1 та голли узатмани амалга оширди.
