"Барселона" бош мураббийи Хави ҳужумчи Лионель Месси Каталония клубига қайтиши керак деб ҳисобламоқда. Аргентиналик футболчи 2005 йилдан 2021 йилгача "кўк-анорранглилар" сафида ўйнаган.
"Мен аллақачон Мессига эътибор қаратиш утопия бўлишини айтгандим. Мен Мессининг "Барселона"даги босқичи тугашини хоҳламадим. Менимча, у иккинчи имкониятга лойиқ, аммо кейинги йил. Унинг бошқа клуб билан шартномаси бор”, - дея Хавидан иқтибос келтиради Marca.
Месси 2021 йилнинг ёзида "Барселона" билан шартномаси тугаганидан кейин "ПСЖ"га ўтган эди. Каталония клуби молиявий муаммолар туфайли 34 ёшли аргентиналик футболчи билан шартномани узайтира олмади.
Месси ўтган мавсумда барча турнирларда 34 ўйинда майдонга тушиб, 11 гол ва 12 голга ассистентлик қилган.
