"Барселона" президенти Жоан Лапорта "Манчестер Юнайтед" ва Англия терма жамоасининг собиқ ҳимоячиси Гари Невиллнинг Каталония клуби маошини 50 фоизга қисқартиришни сўраган Френки де Йонг билан боғлиқ вазият ҳақидаги фикрига изоҳ берди.
"Мен Невиллнинг фикрини ҳурмат қиламан, Гари "Манчестер Юнайтед"нинг жуда яхши футболчиси эди. Бироқ, менинг фикримча, у нотўғри гапирган, чунки мен таъкидлайман: биз барча футболчиларимизни ҳурмат қиламиз. Агар биз янги ўйинчиларга сармоя киритадиган бўлсак, буни фақат клубнинг рақобатбардошлигини ошириш учун қиламиз. Бу қандайдир шафқатсиз доира: янги ўйинчиларга сармоя киритиш орқали сиз мухлисларни жалб қиласиз, бу эса ўз навбатида сизнинг иқтисодингизни яхшилайди", - дея Лапорта сўзларини келтиради CBC Sports.
Эслатиб ўтамиз, Невилл ижтимоий тармоқларда Де Йонг "Барселона"ни судга бериши кераклигини ёзган эди. Гарининг фикрича, "янги ўйинчиларга катта маблағ сарфлаган ва шартномаси бўлганларга пул тўламайдиган клуб қонунни бузмоқда".
