"Barselona" prezidenti Joan Laporta "Manchester Yunayted" va Angliya terma jamoasining sobiq himoyachisi Gari Nevillning Kataloniya klubi maoshini 50 foizga qisqartirishni so‘ragan Frenki de Yong bilan bog‘liq vaziyat haqidagi fikriga izoh berdi.

"Men Nevillning fikrini hurmat qilaman, Gari "Manchester Yunayted"ning juda yaxshi futbolchisi edi. Biroq, mening fikrimcha, u noto‘g‘ri gapirgan, chunki men ta’kidlayman: biz barcha futbolchilarimizni hurmat qilamiz. Agar biz yangi o‘yinchilarga sarmoya kiritadigan bo‘lsak, buni faqat klubning raqobatbardoshligini oshirish uchun qilamiz. Bu qandaydir shafqatsiz doira: yangi o‘yinchilarga sarmoya kiritish orqali siz muxlislarni jalb qilasiz, bu esa o‘z navbatida sizning iqtisodingizni yaxshilaydi", - deya Laporta so‘zlarini keltiradi CBC Sports.

Eslatib o‘tamiz, Nevill ijtimoiy tarmoqlarda De Yong "Barselona"ni sudga berishi kerakligini yozgan edi. Garining fikricha, "yangi o‘yinchilarga katta mablag‘ sarflagan va shartnomasi bo‘lganlarga pul to‘lamaydigan klub qonunni buzmoqda".