"Бавария"нинг янги футболчиси Маттейс де Лигт "Ювентус"да ҳужумкор футбол ўйнамоқчи бўлганини тан олди.
"Мен "Ювентус"га кўпроқ ҳужумкор футбол ўйнаш ғояси билан келганман, чунки Сарри мураббий бўлган ва "Наполи" ва "Челси"да ажойиб футбол ўйнаган. Туринда "Аякс" услуби бўлишини кутгандим. Аммо, афсуски, Сарри бир йилдан сўнг кетди", - дейди де Лигт.
Ўтган мавсумда 22 ёшли ҳимоячи "Ювентус" сафида барча турнирларда 42 ўйинда майдонга тушиб, 3 та гол урди ва 1 та голли узатмани амалга оширди.