"Bavariya"ning yangi futbolchisi Matteys de Ligt "Yuventus"da hujumkor futbol o‘ynamoqchi bo‘lganini tan oldi.
"Men "Yuventus"ga ko‘proq hujumkor futbol o‘ynash g‘oyasi bilan kelganman, chunki Sarri murabbiy bo‘lgan va "Napoli" va "Chelsi"da ajoyib futbol o‘ynagan. Turinda "Ayaks" uslubi bo‘lishini kutgandim. Ammo, afsuski, Sarri bir yildan so‘ng ketdi", - deydi de Ligt.
O‘tgan mavsumda 22 yoshli himoyachi "Yuventus" safida barcha turnirlarda 42 o‘yinda maydonga tushib, 3 ta gol urdi va 1 ta golli uzatmani amalga oshirdi.