"Торино" "Аталанта" билан ярим ҳимоячи Алексей Миранчукнинг трансфери бўйича қўшимча музокаралар олиб борди, деб хабар беради TuttoMercatoWeb.
“Буқалар” раҳбарияти 26 ёшли россиялик футболчини сотиб олиш шарти билан 12 миллион евро эвазига ижарага олмоқчи. Манбага кўра, бу вариант бергамоликларга мос келиши мумкин.
Миранчук “Аталанта”да 2020 йилнинг сентябридан буён ўйнаб келмоқда. Ўтган мавсумда у Бергамо жамоаси сафида 25 та ўйинда майдонга тушиб, 2 та гол урди ва 5 та голли узатмани амалга оширди.
Унинг «Аталанта» билан шартномаси 2024 йилнинг июн ойи охиригача амал қилади.
