"Ювентус" марказий ҳимоячиси Леонардо Бонуччи "кекса синьора" сардори сифатида Жоржио Кьеллинининг вориси бўлишидан хурсанд.
"Мен доим "Ювентус"да сардорлик боғичини тақишни орзу қилганман ва энди бу амалга ошди. Менинг кейинги мақсадим – жамоа сардори сифатида яхши таассурот қолдириш", деди Бонуччи.
Леонардо Бонуччи "Ювентус" сафида барча мусобақаларда 474 та ўйинда майдонга тушиб, 35 та гол уришга эришган. Тажрибали ҳимоячининг туринликлар билан шартномаси 2024 йилнинг ёзига қадар тузилган.