"Барселона" ярим ҳимоячиси Рики Пуч "Лос-Анжелес Гелакси"дан келадиган таклифни кўриб чиқмоқда.
22 ёшли ярим ҳимоячи "Барселона" мураббийлар штабининг келажакдаги режаларига киритилмаган. Клуб раҳбарияти бу ёзда бир вақтлар умидли бўлган шогирди билан хайрлашишга тайёр. Mundo Deportivo хабарига кўра, Пучга МЛС вакили "Лос-Анжелес Гелакси"дан аниқ таклиф бор. Испаниялик бир неча кун ичида жавоб бериши керак.
Рики Пуч “Барселона”нинг асосий жамоаси сафида 56 та ўйинда майдонга тушиб, 2 та гол ва 3 та голли узатмага муаллифлик қилган. Трансфермаркт маълумотларига кўра, футболчининг нархи 7 млн евро.