"Barselona" yarim himoyachisi Riki Puch "Los-Anjeles Gelaksi"dan keladigan taklifni ko‘rib chiqmoqda.
22 yoshli yarim himoyachi "Barselona" murabbiylar shtabining kelajakdagi rejalariga kiritilmagan. Klub rahbariyati bu yozda bir vaqtlar umidli bo‘lgan shogirdi bilan xayrlashishga tayyor. Mundo Deportivo xabariga ko‘ra, Puchga MLS vakili "Los-Anjeles Gelaksi"dan aniq taklif bor. Ispaniyalik bir necha kun ichida javob berishi kerak.
Riki Puch “Barselona”ning asosiy jamoasi safida 56 ta o‘yinda maydonga tushib, 2 ta gol va 3 ta golli uzatmaga mualliflik qilgan. Transfermarkt ma’lumotlariga ko‘ra, futbolchining narxi 7 mln yevro.
