"ПСЖ"га янги келган Уго Экитике пойтахт жамоасига ўтиши ҳақида гапирди. Унинг сўзларини Le10Sport журналистлари келтирмоқда.

“Мен Луис Кампос билан учрашув ўтказдим, у ерда ҳаммаси ҳал қилинди. Орадан унчалик узоқ вақт ўтмади. Мен аллақачон Париж клубига боришни хоҳлардим ва Кампос билан суҳбат мени янада кўпроқ ишонтирди. Француз бўлсанг, "ПСЖ"га йўқ дея олмайсиз", дейди 20 ёшли марказий ҳужумчи.

Экитике 2022/2023 йилги мавсум охиригача "Реймс"дан "ПСЖ"га ижарага ўтди.

Ўтган мавсумда Уго Лига 1'да 24 та ўйинда майдонга тушиб, 10 та гол ва 3 та голли узатмага муаллифлик қилган.