"Атлетико" ҳужумчиси Жоау Феликс "Манчестер Юнайтед"га қарши ўртоқлик учрашувидаги ғалаба (1:0) ҳақида фикр билдирди. Португалиялик ҳужумчи иккинчи бўлим охирида ўйиндаги ғалаба голини киритди.
“Кўпдан бери ўйнамаганман ва қайтганимдан жуда хурсандман. Олдинги мавсумларда мен доим имкон қадар яхши ўйнашга ҳаракат қилганман. Бу йил мен учун муваффақиятли бўладими, билмайман. Биз келажакни башорат қила олмаймиз. Лекин сизни ишонтириб айтаманки, мен юқори савияда бўлиш ва жамоага ёрдам бериш учун ҳамма нарсани қиляпман", - дея Феликснинг сўзларини келтиради Marca.
22 ёшли ҳужумчи ўтган мавсумда "матрасчилар" сафида 34 та ўйинда 10 та гол урди ва 6 та голли узатмани амалга оширди. Ҳужумчининг "Атлетико" билан шартномаси 2026 йилнинг 30 июнига қадар мўлжалланган.