Ярим ҳимоячи Сеск Фабрегас 1 августь куни Италияга келади. У "Комо" клуби билан шартнома имзолаши керак, дейди журналист Фабрицио Романо.
Олдинроқ Б серия клуби испаниялик футболчи билан оғзаки келишувга эришгани ҳақида хабар берилганди. Ярим ҳимоячи Италияга учиб кетади ва у ерда тиббий кўрикдан ўтади. Фабрегас 2024 йилнинг ёзига қадар шартнома имзолайди.
Ўтган мавсумда Сеск Франция 1-лигасининг 2 та ўйинида қатнашиб, гол ура олмаган. У "Монако" сафида жами 68 та ўйин ўтказиб, 4 та гол ва 9 та голли узатмани амалга оширган.
35 ёшли испаниялик футболчи 18 июнь куни француз клубини тарк этган эди.
