Yarim himoyachi Sesk Fabregas 1 avgust kuni Italiyaga keladi. U "Komo" klubi bilan shartnoma imzolashi kerak, deydi jurnalist Fabrisio Romano.
Oldinroq B seriya klubi ispaniyalik futbolchi bilan og‘zaki kelishuvga erishgani haqida xabar berilgandi. Yarim himoyachi Italiyaga uchib ketadi va u yerda tibbiy ko‘rikdan o‘tadi. Fabregas 2024 yilning yoziga qadar shartnoma imzolaydi.
O‘tgan mavsumda Sesk Fransiya 1-ligasining 2 ta o‘yinida qatnashib, gol ura olmagan. U "Monako" safida jami 68 ta o‘yin o‘tkazib, 4 ta gol va 9 ta golli uzatmani amalga oshirgan.
35 yoshli ispaniyalik futbolchi 18 iyun kuni fransuz klubini tark etgan edi.
