Донецкнинг “Шахтёр” клуби бош директори лавозимини эгаллаб турган футбол функционери Сергей Палкин Украина Премьер-лигасини ўтказишдаги қийинчиликлар контекстида Россия футболи ҳақида гапирди.

“Футболимиз ҳалок бўлди, лекин Россияда улар хотиржам ўйнашмоқда ва ҳали ҳам Чемпионлар лигасида ўйнашга даъво қилишмоқда. Уларда ҳаммаси яхши, лекин биз жабрланяпмиз. ФИФА ҳам уларни қўллаб-қувватламоқда”, - деди Палкин ua.tribuna.com сайтига берган интервьюсида.

Эслатиб ўтамиз, Россия клублари 2022/2023 йилги мавсум учун еврокубоклардан дисквалификация қилинган эди. Премьер-лиганинг янги мавсуми июль ўрталарида бошланди. Уч турдан сўнг чемпионат пешқадами Санкт-Петербургнинг “Зенит” жамоаси бўлиб турибди.