Испаниянинг «Валенсия» клуби ҳимоячиси Хорди Альба трансфери бўйича «Барселона» билан ўтказилаётган музокаралар тез орада якунига етади, Бу ҳақда "AS" нашри хабар тарқатди.
Манбанинг маълум қилишича, Каталония клуби шу ҳафта охирига қадар мазкур трансферни расман эълон қилмоқчи. «Валенсия» клуби ҳам тезроқ Альбага ўринбосар топишни истаётганини билдирди.
Икки клуб раҳбарларининг учрашуви бугун ёки эртага бўлиб ўтади. Трансфер қиймати 15 миллион евро бўлиши кутилмоқда, «Барса» бу пулларни тўрт йил давомида тўлаб боради.
«Мен агентимга «Барселона»да ўйнаш истагимни айтдим. Бу менинг танловим. Аммо мен ҳозирда бор эътиборимни Испания термаси сафидаги ўйинларга қаратганман», дейди футболчининг ўзи.