"Чикаго Файр" дарвозабони Габриэль Слонина "Челси" клуби билан шартнома имзолаш учун Лондонга етиб келди. Бу ҳақда журналист Фабрицио Романо ижтимоий тармоқларда хабар берди.
Қайд этилишича, АҚШлик дарвозабон "кўклар" билан узоқ муддатли шартнома имзолайди, шундан сўнг у МЛС мавсумини якунлаш учун "Чикаго Файр"га қайтади. Шундан кейингина Слонина январда "Челси"га қайтади.
Эслатиб ўтамиз, футболчи учун курашда Мадриднинг "Реал" клуби ҳам иштирок этган, кейин эса бу трансфер ғоясидан воз кечганди. “Челси” ёш иқтидор учун 15 миллион евро тўлайди.
Слонина ушбу мавсумда ўз дарвозаси дахлсизлигини сақлаш борасида МЛС етакчиси ҳисобланади.