"Chikago Fayr" darvozaboni Gabriel Slonina "Chelsi" klubi bilan shartnoma imzolash uchun Londonga yetib keldi. Bu haqda jurnalist Fabrisio Romano ijtimoiy tarmoqlarda xabar berdi.

Qayd etilishicha, AQSHlik darvozabon "ko‘klar" bilan uzoq muddatli shartnoma imzolaydi, shundan so‘ng u MLS mavsumini yakunlash uchun "Chikago Fayr"ga qaytadi. Shundan keyingina Slonina yanvarda "Chelsi"ga qaytadi.

Eslatib o‘tamiz, futbolchi uchun kurashda Madridning "Real" klubi ham ishtirok etgan, keyin esa bu transfer g‘oyasidan voz kechgandi. “Chelsi” yosh iqtidor uchun 15 million yevro to‘laydi.

Eslatib o‘tamiz, Slonina ushbu mavsumda o‘z darvozasi daxlsizligini saqlash borasida MLS yetakchisi hisoblanadi.