"Манчестер Сити" "Брайтон" жамоаси футболчиси Марк Кукуреллья трансфери муваффақиятсизликка учрагач, эътиборини бошқа номзодларга қаратди. Журналист Жонатан Смитнинг сўзларига кўра, “шаҳарликлар” "Штутгарт" футболчиси Борна Соса ва “Вулверхэмптон” аъзоси Райан Аит Нури ўртасида танлов қилмоқда.
Ҳар икки футболчининг ўйини “шаҳарликлар” бош мураббийи Хосеп Гвардиола ёқади. Эслатиб ўтамиз, "Манчестер Сити" Александр Зинченкони Лондон "Арсенал" жамоасига сотилганидан кейин ҳимоянинг чап қанотини кучайтириши керак.
Аввалроқ "Манчестер Сити" "Брайтон" талаб қилганидек, Кукуреллья учун 60 миллион евро тўлашдан бош тортган эди.
