Шу ёзда "Бавария"дан "Барселона"га ўтган польшалик ҳужумчи Роберт Левандовски нима учун Каталония клубини танлаганини тушунтирди.
“Мен кўпдан бери Испания чемпионатида ўйнашни орзу қилардим. Менинг хизматларимга клуб ҳам қизиқди. Бу ҳозир буни қилиш вақти келганининг белгиси эди. Ўйлайманки, мен бундай қадам учун тўғри вақтни танладим. Ишончим комилки, яна бир неча йил юқори савияда ўйнай оламан. Шу боис каталонияликлар сафига ўтишга қарор қилдим. Бу жамоанинг бир қисми бўлганимдан хурсандман", - деди ҳужумчи ESPN билан суҳбатда.
Левандовскининг трансфери "кўк-анорранглилар"га 45 миллион еврога тушди. У "Барселона" билан тўрт йиллик шартнома имзолади.
