Нидерланлиялик ҳимоячи Маттейс де Лигт Туриннинг "Ювентус" клуби билан узоқ муддатли шартномага қарамай, "Бавария"га кўчиб ўтди ва нима учун Мюнхен клубини танлаганини тушунтирди.
"Клуб бошлиқлари мени жамоада кўришни жуда хоҳлашди. Бу қарор қабул қилишда муҳим омил бўлди. "Бавария" мени ўзининг ҳужум услуби билан ўзига тортди. Менга бундай футбол ёқади.
Мен Юлиан Нагельсманни трансфердан олдин билардим. Бу мураббий ёшлар билан яхши ишлайди. Бу менга ишонч бағишлади”, - деди де Лигт ESPN билан суҳбатда.
Де Лигтнинг трансфери учун "Бавария" "Ювентус"га 67 миллион евро тўлади. Германия чемпиони нидерландия футболчи билан 2027 йилнинг ёзига қадар шартнома имзолади.
