Сўнгги вақтларда турли оммавий ахборот воситаларида Тошкентнинг "Локомотив" клуби россиялик таниқли мутахассис Валерий Непомняший номзоди билан қизиқаётгани ва тез орада "Томь" жамоасининг собиқ устози темирйўлчилар бошқарувини ўз қўлига олиши ҳақида маълумотлар тарқатилган эди.

Бироқ, бу хабарлар ўз тасдиғини топмади. "Локомотив" - "Машъал" баҳси якунида ташкил этилган матбуот анжуманида темирйўлчилар жамоаси катта мураббийи Ҳаким Фузайлов бу хабарларни инкор қилди.

- Тўғри, менинг ташаббусим билан Валерий Непомняшчийни "Локомотив" жамоасига таклиф қилишганди. У билан музокаралар ҳам олиб борилди. Бугун эрталаб Валерий Кузмич билан қўнғироқлашдим (суҳбат 15 июнь куни уюштирилган). Маълум бўлишича, Кузмич ҳозир Россиянинг ЦСКА жамоасига ишга қабул қилинган. Демак, Непомнящий мавзуси ёпиқ. У энди ЦСКАда фаолиятини олиб боради, - деди Ҳаким Қаюмович матбуот анжуманида.