“Барселона” ҳужумчиси, аввалроқ Мюнхеннинг “Бавария” клубида ўйнаган Роберт Левандовски жамоа спорт директори Ҳасан Салиҳамиджич билан музокара ўтказиш учун Германияга учиб кетганди.
Польшалик футболчи учрашувдан сўнг ўз ҳис-туйғулари билан ўртоқлашди.
“Бу қайғули лаҳза эди. Мен бу ерда олган ва бошдан кечирган ҳамма нарса учун доимо миннатдор бўламан.
Мен учун қилган ишлари учун барчага раҳмат айтдим ва совғалар топширдим. Бу мен учун қийин лаҳза эди.
Ҳаммани кўриб, раҳмат айтдим. Сўнгги икки ҳафта ҳамма учун қийин бўлди, лекин мен бу ерда нима бўлганимни ҳеч қачон унутмайман.
Мухлисларга қўллаб-қувватлаганликлари учун миннатдорчилик билдираман", - дея Левандовски сўзларини келтиради Sky Sports.