"Байер" ҳужумчиси Сердар Азмуннинг манфаатларини ҳимоя қилувчи агент Арманд Дурн футболчининг янги мавсумдаги келажаги билан ўртоқлашди.
"Азмунда Германия чемпионати тўпурари бўлиш имконияти борми? Албатта, у бунга қодир", - дея Дурннинг сўзларини келтиради РБ Спорт.
Агентнинг таъкидлашича, Азмун "Байер"да турли ютуқларни эгаллаши мумкин, унинг янги жамоасидаги вазифаси нафақат гол уриш, балки шерикларига голли вазиятлар яратиш ҳам бўлади.
Жорий мавсумда 27 ёшли ҳужумчи Германия кубоги доирасидаги битта учрашувда қатнашиб, иккита голли узатмани амалга оширди. Футболчининг "Байер" билан амалдаги шартномаси 2027 йилгача мўлжалланган.
