“Милан” ҳимоячиси Давиде Калабрия жамоанинг янги сардорига айланди. “Россонерилар”нинг яна бир ҳимоячиси Тео Эрнандес вице-сардор этиб тайинланди, деб хабар бермоқда клуб матбуот хизмати.

Алессио Романьоли “Милан”нинг аввалги сардори эди. Мавсум оралиғида у "Лацио" сафига текинга бориб қўшилди.

Калабрия “россонерилар” тарбияланувчиси ҳисобланади. 25 ёшли ҳимоячи шу кунгача “қизил-қоралар”нинг асосий таркибида 184 та ўйинда майдонга тушиб, 7 та гол урди ва 12 та голли узатмани амалга оширди.

Ўтган мавсумда "Милан" таркибида у Италия чемпионига айланди.