Ҳужумчи Дрис Мертенс фаолиятини “Ювентус”да давом эттириши мумкин.

35 ёшли футболчи бу таклифга рози бўлиши мумкин, чунки Турин клуби унинг сўровларини тўлиқ қондиришга тайёр, яъни мавсум учун 5 миллион евро маош.

Мертенс ҳозирда эркин агент ҳисобланади. Аввалроқ ҳужумчи "Наполи"нинг шартномани узайтириш таклифини қабул қилмаганди. "Наполи" президенти Аурелио Де Лаурентиснинг айтишича, клуб футболчига 4,5 миллион евро маош таклиф қилган.

Мертенс ўтган мавсумда "Наполи" сафида 37 та ўйинда майдонга тушиб, 13 та гол урди ва 2 та голли узатмани амалга оширди.

“Наполи” билан у икки марта Италия кубоги ва бир марта Италия Суперкубогини қўлга киритди.