Hujumchi Dris Mertens faoliyatini “Yuventus”da davom ettirishi mumkin.
35 yoshli futbolchi bu taklifga rozi bo‘lishi mumkin, chunki Turin klubi uning so‘rovlarini to‘liq qondirishga tayyor, ya’ni mavsum uchun 5 million yevro maosh.
Mertens hozirda erkin agent hisoblanadi. Avvalroq hujumchi "Napoli"ning shartnomani uzaytirish taklifini qabul qilmagandi. "Napoli" prezidenti Aurelio De Laurentisning aytishicha, klub futbolchiga 4,5 million yevro maosh taklif qilgan.
Mertens o‘tgan mavsumda "Napoli" safida 37 ta o‘yinda maydonga tushib, 13 ta gol urdi va 2 ta golli uzatmani amalga oshirdi.
“Napoli” bilan u ikki marta Italiya kubogi va bir marta Italiya Superkubogini qo‘lga kiritdi.
