"Милан"нинг янги аъзоси Шарл де Кетеларе Италия клубига ўтишдан ҳайратда қолганини тан олди.

"Мен жуда хотиржам одамман, лекин бу мени жуда ҳайратда қолдирди. Мен қандай муносабат билдиришни ҳам билмайман.

Айтишларича, сиз бу ерга келгунингизча "Милан" мухлисларининг ҳақиқий илиқлик ва иштиёқини тасаввур қила олмайсиз. Фаолиятимдаги кейинги қадамдан жуда мамнунман. Амбицияга эга ёш футболчи сифатида тезроқ ўйнашни хоҳлайман.

"Брюгге"га клуб менга берган барча имкониятлар учун раҳмат айтмоқчиман. У ҳар доим менинг уйим бўлиб қолади", - дея ярим ҳимоячининг сўзларидан иқтибос келтиради "россонерилар" матбуот хизмати.

21 ёшли бельгиялик футболчи билан шартнома 2027 йилгача мўлжалланган. Ярим ҳимоячи 90-рақам остида ҳаракат қилади.

Хабар қилинишича, миланликлар футболчи учун бонуслар билан бирга 35 миллион евро тўлаган.

2021/22-йилги мавсумда Де Кетеларе “Брюгге” сафида 49 ўйинда 18 та гол урди ва 10 та голли узатмани амалга оширди.