"Milan"ning yangi a’zosi Sharl de Ketelare Italiya klubiga o‘tishdan hayratda qolganini tan oldi.
"Men juda xotirjam odamman, lekin bu meni juda hayratda qoldirdi. Men qanday munosabat bildirishni ham bilmayman.
Aytishlaricha, siz bu yerga kelguningizcha "Milan" muxlislarining haqiqiy iliqlik va ishtiyoqini tasavvur qila olmaysiz. Faoliyatimdagi keyingi qadamdan juda mamnunman. Ambisiyaga ega yosh futbolchi sifatida tezroq o‘ynashni xohlayman.
"Bryugge"ga klub menga bergan barcha imkoniyatlar uchun rahmat aytmoqchiman. U har doim mening uyim bo‘lib qoladi", - deya yarim himoyachining so‘zlaridan iqtibos keltiradi "rossonerilar" matbuot xizmati.
21 yoshli belgiyalik futbolchi bilan shartnoma 2027 yilgacha mo‘ljallangan. Yarim himoyachi 90-raqam ostida harakat qiladi.
Xabar qilinishicha, milanliklar futbolchi uchun bonuslar bilan birga 35 million yevro to‘lagan.
2021/22-yilgi mavsumda De Ketelare “Bryugge” safida 49 o‘yinda 18 ta gol urdi va 10 ta golli uzatmani amalga oshirdi.
