"ПСЖ" спорт директори Луис Кампуш "Лилль" футболчиси Ренату Саншешдан ташқари яна бир ярим ҳимоячини ҳам жамоага олиб келмоқчи. Бу маълумотни журналист Адриен Гренье ижтимоий тармоқларда эълон қилди.

Аввалроқ, "ПСЖ" Италиянинг "Милан" клубига қарши курашда ғалаба қозониб, Ренату Саншешнинг трансфери борасида "Лилль" билан келишиб олганди. Португалиялик футболчининг таклифи янги бош мураббий Кристоф Галтьенинг шахсий ташаббуси бўлди, чунки у аввалроқ ярим ҳимоячи билан бирга ишлаган.

Идрис Гейенинг "Эвертон"га ва Жоржинио Вейналдумнинг "Рома"га кетиши фонида бошқа ярим ҳимоячининг трансфери мантиқий кўринади. Ҳар иккала битим ҳам якуний босқичда.