"Анжи" бош мураббийи Гус Хиддинкнинг агенти Кес ван Ньювенхайзен ўз мижозининг Махачқалъа клубидан кетиши мумкинлиги борасидаги миш-мишларни рад этди.
"Доғистонга учганимда, "Анжи" "Зенит" билан учрашаётган эди. Ўйиндан сўнг биз клуб билан кейинги тўлақонли мавсум учун янги шартнома имзоладик. Гус жамоа билан Австрия ва Швейцарияда ўтадиган мавсумолди йиғинига учиб кетади", – дея ван Ньювенхайзен сўзларини келтиради "Советский спорт".
Эслатиб ўтамиз, илгарироқ "Анжи"дан вице-президент Герман Чистяков, ташкилий департамент директори Дмитрий Балашов, коммуникациялар бўйича директор Александр Удальцов кетиши маълум қилинган эди. Клубнинг янги спорт директори этиб Ҳасан Биждиев тайинланган эди.
