Каталониянинг "Барселона" клуби олти ёшли футболчи Артур Миани билан шартнома имзолаган.
Бразилиялик ёш футболчи Ла Масия ёшлар академиясининг май ойидаги кўриги мобайнида мураббийлар штабига ёқиб қолган ва у энди сентябрь ойида "Барселона"нинг ўсмирлар жамоасида ўйнай бошлайди.
"Фахрланиб кетаяпман. У илгари бирор марта кўрмаган болакайлар билан ўйнади. Жаҳоннинг энг кучли клубларидан бирининг фарзандимга ишқи тушиб қолганидан жуда хурсандман.
У ҳали олти ёшда, шу сабабли клубга бир ўзи бора олмайди. Мен ҳам бора олмасам керак. Шу боиси ўғлимга ойиси ҳамроҳ бўлади", – дея Мианининг отаси сўзларини келтирмоқда Globoesporte.
