"Манчестер Юнайтед" ҳимоячиси Алекс Теллес фаолиятини Испанияда давом эттиради.
Футболчи фаолиятини “Севилья” клубида давом эттиришга яқин турибди. 29 ёшли бразилиялик футболчининг Испания аэропортидан тушган суратлари "Твиттер"да эълон қилинди.
Тахминларга кўра, Теллес 2022/23 йилги мавсумни "Севилья"да ўтказади, испан клуби футболчини кейинчалик сотиб олиш ҳуқуқига эга эмас.
Теллес ўтган мавсумда "Манчестер Юнайтед" таркибида 26 та ўйинда майдонга тушиб, 1 та гол урди ва 4 та голли узатмага муаллифлик қилган.
Transfermarkt портали футболчининг нархини 18 миллион еврога баҳоламоқда.
